2 Tesaronika 1:3 - Yisasini Kama Vaya

³ Mumunan tiyofi sifá tiváeyan noe, funtákein avúavá baréi siretin nan Tiyarafenu susu sianté iyá uno. Mai fara vara seyo, siretí ankani mumunan mano mo ákonaen kákani iyákayan ben moéken ará amin maran iya ono.

2 Tesaronika 1:3 Σταυροειδείς Αναφορές

Ruku 15:32

Máan tukhen mifo saréa erisá tetí ankan timusin ékun ná tétin tirá ano kama ino. Mai fara vara seyo, e afá ano furein an dakharen mi evaránen ma manteiníen mino. Béi afeyokaréíi evaráné dosé tiféuno.’”

Ruku 17:5

Máa síkan baya varen orin banta kayo ano Bafan máa sen tiamemí, “Éi sétisi mumunan asotú usintesin mo kákaní ino.”

Yoni 15:2

Tenti siyan kayo ano ma ída aran iré iyain mai Sifóe ano yo iyákuan karúdaren aran ma iriyain ayan kayon kamaen ayaní uran kokhon aran iré iyan mino.

Romu 1:8

Ma varará minó akhempá ma vain nanin banta ano ma siretíi ákona mumunan nan ma siren iniyain nan mi Yisas Karaisin avíká araíé Tiyarafenu susu sianté uno.

1 Korini 1:4

Tiyarafenu ano ma vei sarisari siretin amira ma saréa Yisas Karaisin ninaí ukheona van mi séi ena ena véin tusu sianté iyá uno.

2 Korini 10:15

Máan tukhá ena ano ma yókeintá ída seti siví maman daní iyá uno. Tiyarafenu ano ma simikhein doran puntádé dorékun mai ano siretí ankani mumunan ákona uantantin tetisi yoran mano siretimpin mo kokhoní ino van muno.

Efesasi 5:20

Máan tiya mae minó danasinta vará tetisi Bafan Yisas Karaisin avíkasá ena ena yamú tiretin Afóe Tiyarafenun ná tusu siantano.

Firipaí 1:7

Tiretí ankan nan te súkákéi kama inin manan tiyá uno. Mai fara vara seyo, séi ma karavusifin nafi varufa safi ma vákuya siretin má deren Tiyarafenui sarisari variyáke véi ma simikhein doran tiyae yoriyare ono. Máan tiya inká beni fura sikhein kama vaya ma namuroí uantiya mae yo yureya mai vayará ákona uantiyare ono.

Firipaí 1:9

Téi ma simúkiyaruna mai siretíi avábá in maran mano moéken bíkaaren avaniyantiya funtákein avúavá afová iyasin kama ineine ano e inoren mo kákaní ino van muno.

1 Tesaronika 3:12

Tetí ankan ma siretin avábá iyarunaíen Bafan mano siretin avu inti vá ben moéken avábá in maran iyáke ena nanin banta yere avábá ono.

1 Tesaronika 3:6

Orikharen taréa uron mi Timoti ovaránen me sisimen tiretíi mumunan nan para ákona ukhan ena ma avábá in avúavá moéken bariyan mino síká iné uno. Tetí ankan ma fefá tiretin o ontaréeruna van ma ovare me iniyákeya setin nan moéke amusin pinté tonano van iya ono. Máan tiyan nái setin má dere simusin pinté tiretin o onano van ineine iyá uno.

1 Tesaronika 3:9

Tiretí ankan ma mumunan iyaona van mi Tiyarafenu avorá kákan timusin iyá umpo mai inté uresá tiretin nan béin tusu siantante rafuno.

1 Tesaronika 4:1

Mumunan tiyofi sifá tiváeyan noe, Tiyarafenu ma amusin in nain avúaváká bano van mi Bafan Yisasin aviká tiretí ankan aní ukhé uno. Máan tukhare saréa mai avúavá bariyan ná moéke varano van mi ákonaé tiamiyá tiféuno.

2 Tesaronika 2:1

Mumunan tiyofi sifá tiváeyan noe, setisi Bafan Yisas Karaisi ma erintí ma ven má manafin bá tifanuna vaya siaméku inin nono.

2 Tesaronika 2:13

Máan tukhein nan mi mumunan tiyofi sifá tiváeyan noe, Bafan mano ma anunu uren avábá uantiyain monó nanin banta van mi ena ena yamú Tiyarafenu vaípá tusu siantiyá tiféuno. Mai fara vara seyo, setin ma evaránen tivíkein daná afová ino siren mi esé araíintá Tiyarafenu ano siretin aní ukharé in mi Kantá Aunani funtákein doran mano sireti maman avusese en mino. Máan turen mi mai ma fura yanáká mumunan iyaonarái evaránen aviren mino.

1 Pita 1:22

Tiretí ankan ma fura sikhein Kama Vaya inire ma mai ánain bákureona van mi siretíi ume yo sesé uraya va ompo saréa vá mana nanin banta akhafana an dakheya fura se ven avábá in maran ná ono. Máan tiyáke ena nanin banta yere fura seya aú kákesá avábá ono.

2 Pita 1:13

Téi ma ída furin ma ma vukhafa vá para vanté maé mai vaya kayo fara siretin e siamé oriyá bano van mi inikhé uno.

2 Pita 3:18

Máan tin nompo setin ma Siyain Bafan Yisas Karaisin ma anunu ukhein tarisari vá afova vasá e inorano. Béimpin ná minó kakhan má aví ma yaní in avúavá bá ano saréa váken ná para van oriyan bano. Mai fura ino.