1 Pita 2:6 - Yisasini Kama Vaya

⁶ Mai fara vara seyo, Tiyarafenui vompon dókifin tian amá ukhen mino. “Onano. Yerusaremí barurá mana onámaná aní uré maman ákona namádan an daré dafédékun bain béintá ma mumunan in nain kéká ano ída ayave van inten mino.” Ais 28:16

1 Pita 2:6 Σταυροειδείς Αναφορές

Matiu 12:18

Máan mi sikhan mino, “Ma senti yoran banta séi ma aní ukheruna ino. Téi ven nan moéké tinunu iyákun ten tirápin kákan timusin édaviyan mino. Téi sesi saunan bempin kaékun puntákein avúavá baya varará nanin bantafin tiaminten mino.

Maki 12:10

Tiyarafenui vompon dóki ano ma máa sikhein mai siretí ankan ídá dankáke rafono. “‘Má uvaran banta kayo ano ma yo maman karúdein onámaná ano maman má dádaimpin mana ákona onámanasí ukhen mino.

Ruku 20:17

Máa síkan Yisasi vetin auufen kakháben inaemí, “Tiyarafenui vompon dókifin ma ma vaya uvamádan baini ana ano naíesá tikhen nafino. “‘Má uvaran banta kayo ano ma yo maman karúdein onámaná ano maman má dádaimpin mana ákona onámanasí ukhen mino.’” Íbo 118:22

Ruku 23:35

Máa siyákan banasi ano mairá mantakhen oniyan maen ánon banta kéká ano Yisasin así mun uantiyan temí, “Ena nanin banta kayo anan ayaen noren mifo Tiyarafenu ano ma vei vanasi evaránen avirano van ma aní ukhá ein banta ma vanten maen áesin beyantá kanaíen beyan aya ino.”

Yoni 7:38

Sentá ma mumunan inain mano se varunafá eriven ná mai non nano. Mai fara vara seyo, Tiyarafenui vompon dóki ano máa sikhen mino. ‘Béin aú pinté ayun ma fara van non kayo oriyan banten mino.’

Aposeri 1:16

máa semí, “Mumunan tiyofi sifá tiváeyan noe, pefá Tiyarafenui vompompin Kantá Aunan mano Devitin oo ráké naren Yudasin nan Yisasin avían namuro ayampin kainten ne ma sikhá ein mano fura sen dákóen mino.

Romu 10:11

Tiyarafenui vompon dóki ano mai van máa sikhen mino. “Béintá ma mumunan inain kéká ano ída ayave van inten mino.” Ais 28:16

Efesasi 1:4

Mai fara vara seyo, Tiyarafenu ano ma vara ída uvanten pefái setin aní uren Yisasin má maman túpá ukharen mino. Para va ino. Béi setin nan anunu uren mi mai avúavá mádan baren ben avorá kantasí ukhein nanin banta ano setin nan ída aau manten mino sinten mino.

Efesasi 2:20

Máan tukhái setí ankan Yisasin amái vákun mi inká beni kama vaya ma varen orin banta kayo vá sakhanampa vanta kéká bá anon namádaní ukhan inká Yisas Karaisi anon beyantá mai namuni Bafaní ukhen mino.

2 Timoti 3:16

Tiyarafenui Aunan manon ma vara ráke vanta inin amíkan mi Tiyarafenui vompon dókifin minó baya uvamádan báken tetin tiya íkái kama yaná bá namu yaná bá afová iyá tiféuno. Mai vaya anon tetin maman puntáden puntákein avúavá ma varan afova simiyan mino.

1 Pita 2:4

Yisas Karaisi ano Tiyarafenui monó namuntá ákona namádaní ukháin mi vanasi ano namu ukhen ne siren do éken mino. Máan turan Tiyarafenu avorá kama ukhen baréin béin aní ukhen mifo ve vain tasá ereno.

1 Pita 2:8

Inká Tiyarafenui vompon dóki ano evaránen máa sikhen mino, “Banasi arantantá duádan ma eyúpó en ankamé iyain onámanái véi van mino. Inká mai ma vanasi ano eraven ankamé iyain onámaná ino.” Ais 8:14 Betí ankan ma Tiyarafenui vaya ída inintin mi mai avúavá afoká inten ne sikháin mai avúavá afokáen mino.

2 Pita 1:20

Ma furan tiyá umpo sakhanampa vanta kayo ano sakhanampa vayaí ono vara vetíi inin pinté Tiyarafenui vompon dókifin o véden tiádan ban naino. Ída ino.

2 Pita 3:16

Béi ma uvantein bompon kayofin ma onesin maen máan danasinta kayo van manan tikhen mino. Béi ma uvantein bompon kayo ma onante manáa uman dakhanti maen inin ma ída kama ukhein kéká anon mai vaya vaéden ena yanáká tiádiyan mino. Ena vompon dóki kayofin dere máan avúavá anan bariyákan mai ano uman manan o maman afoká iyan mino.