1 Corintios 7:14 - Tzotzil San Andres

¹⁴ Li vinic ti muc bu yichꞌoj ta mucꞌ li Diose, mu chopluc ta xꞌile yuꞌun Dios ti yicꞌoj o sbaic ta sventa ti laj yichꞌ xa ta mucꞌ Dios li yajnile. Jaꞌ noꞌox jech eꞌuc li ants ti muc bu yichꞌoj ta mucꞌ li Diose, mu chopluc ta xꞌile yuꞌun Dios ti yicꞌoj o sbaic ta sventa ti laj yichꞌ xa ta mucꞌ Dios li smalale. Ti chopluc chil Dios ti yicꞌoj sbaique, mu xcꞌuxubinatic yuꞌun Dios li yalab snichꞌnabic ti jechuque.

Tzotzil Zinacantan

¹⁴ Mi muc bu xchꞌunoj scꞌop Riox li vinique, mu chopluc ch-ile yuꞌun ti Rioxe ti yicꞌoj o sbaic xchiꞌuc li yajnile ti jaꞌ xchꞌunoj li scꞌop Rioxe. Jaꞌ noꞌox yech mi jaꞌ muc bu xchꞌunoj scꞌop Riox li antse, mu chopluc ch-ile yuꞌun ti Rioxe ti yicꞌoj o sbaic xchiꞌuc li smalale ti jaꞌ xchꞌunoj li scꞌop Rioxe. Ti chopluc chil Riox ti yicꞌoj sbaique, mu xꞌacꞌbatic bentisyon yol xchꞌamalic ti yechuque.

Bible in Tzotzil de Chamula

¹⁴ Ti jun vinic nupul ts'acal ti ma'uc jch'unolajele, ventainbil c'ot yu'un Dios ta sventa ti yic'oj jun jch'unolajel antse. Jech xtoc ti jun ants ti nupul ts'acal ti ma'uc jch'unolajele, ventainbil c'ot yu'un Dios ta sventa ti yic'oj jun jch'unolajel vinique. Ti manchucuc jech s'elan taje, ma'uc xnich'nab jch'unolajeletic ti xnich'nabique, ja'uc le' une, c'otemic ta steclumal ti Diose.

Bible in Tzotzil de Chenalhó with Deuterocanon

¹⁴ Yu'un li vinic ti mu'yuc xch'unoje xu' tsta lecubtasel ta sventa li yajnil ti ja' xch'unoje. Ja' no'ox jech ec li ants ti mu'yuc xch'unoje xu' tsta lecubtasel ta sventa li smalale. Ti manchuque mu'yuc lec ch-ilbat yol xnich'onic ti jechuque, pero tana lec ch-ilatic yu'un Dios.

Tzotzil de Huixtán

¹⁴ Ti vinic ti mu xch'une, jutuc chich' bendición yu'un xch'unoj ti yajnile. Hech ono'ox uc ti ants ti mu xch'une, jutuc chich' bendición yu'un xch'unoj ti smalale. Hech ch-ac'bat bendición ti yol snich'onique. Ti manchuque, mu x'ac'bat bendición ti yol snich'one.

1 Corintios 7:14 Krydshenvisninger