1 Corintios 16:11 - Tzotzil San Andres

¹¹ Jaꞌ yuꞌun ichꞌic me ta mucꞌ acotolic. Mu me xanopic ti mu cꞌusi xtun oe. Cꞌalal ta sut talel liꞌi, muybajanic coltaic talel ta sventa sbe yoꞌ jech xuꞌ ta xjul o liꞌi. Yuꞌun liꞌ ta jmalacutic schiꞌuc li buchꞌutic yichꞌojic ta mucꞌ li Cajvaltique.

Tzotzil Zinacantan

¹¹ Yechꞌo un mu me xavalic ti mu cꞌu xtun oe. Ti cꞌalal sut tale, xavacꞌbeic tal li cꞌusi chtun yuꞌun ta bee yoꞌ xul o liꞌtoe. Liꞌ ta jmalaticotic xchiꞌuc li jchiꞌiltactic ta xchꞌunel li scꞌop Rioxe.

Bible in Tzotzil de Chamula

¹¹ Jech un cha'e, mu me oy buch'u junuc sjip sten avu'unic ti Timoteoe. Ti leque, coltaic yu'un ti stojol sbe yo' jech jun yo'nton ta xtal sq'uelun, yu'un li' ta jmalacutic xchi'uc ti yan jch'unolajeletique.

Bible in Tzotzil de Chenalhó with Deuterocanon

¹¹ Ja' yu'un, mu me boch'o mu'yuc stu chavilic. Junuc me yo'nton coltaic sutel tal li' yo' bu oyune, yu'un li' ta jmalacutic jchi'uc li jch'unolajeletique.

Tzotzil de Huixtán

¹¹ Hech yu'un mu me biq'uituc chavilic ti Timoteoe. Ja' lec ti chapasic ti muc' acotolic. C'alal mi ilaj yo'ntone, hech yu'un nichimuc no'ox me avo'ntonic ac'bo c'usi chtun yu'un hech chul li'to. Yu'un li' ti jmalatutic xchi'uc ti quermanotic li'to.

1 Corintios 16:11 Krydshenvisninger