Ãẽ̱xgacügü ga guxchaxü̃güarü mexẽxẽruü̃gü 1:27 - Tupanaarü Ore27 Yema Manachétanüxü̃ rü taxucürüwa guma ĩanegü ga Bex-cheáü̃wa rü Taanáxwa rü Dóxwa rü Ibeáü̃wa rü ñu̱xũchi Meguíduwa ínanawoxü̃ ga yema duü̃xü̃gü ga guma ĩanegüwa maxẽxü̃. Rü woo ga guma ĩanegüarü ngaicamawa yexmagüxü̃ ga ĩanexacügüarü duü̃xü̃gü rü taxucürüwa ínanawoxü̃. Rü yemaacü ga yema Canaáü̃tanüxü̃ rü yématama namaxẽ. Se kapitlet |