Wenaxarü naxümatü ga Tupanaarü mugü 2:26 - Tupanaarü Ore26-27 Rü yexguma chianexü̃ ga Caremóxwa íyexmaxü̃wa, rü choma ga Moiché rü chanamuãchitanü ga ñuxre ga orearü ngeruü̃gü nax mea Ebóü̃arü ãẽ̱xgacü ga Chióü̃maxã yanadexagüxü̃ca̱x rü namaxã nüxü̃ yanaxugüexü̃ca̱x ga chorü ore ga ñaxü̃: “Nagu charüxĩnü nax curü naanewa tachopetüxü̃. Rü nagu tá taxĩ i ngẽma taxü̃ i nama i curü naanewa dapetüxü̃ rü taxũtáma nüxna ítachocu i ngẽma namaarü tügünecüwawa rü bai i norü to̱xwecüwawa. Se kapitlet |