खबरदुत 9:27 - चेपाङ27 अरुलम् रैआकाय् यात्चाक् बर्नाबास् त तोओखेइ सावुल्कोः कुरा ङ्हाम्ती ओउःकायः रोम्ती येसुकोः छ्युङ्ह्ओमयःकःताङ् वानःआथै। वानःआक्तीको “लौ दामास्कस्ताङ् वाह्ओ ल्याम्हाङः सावुल्इ ङीकोः प्रभु येसुकायः च्यवःआकान् येसुकुस् नोःकाय्आकाय् बा। ओहाङःसैको दामास्कस् सहर्हाङः सावुल्इ जुगाङ् रैमाःत येसुकोः कुरा तोमाआकान्” त दाय्ह्ती बर्नाबास्इ सावुल्कोः कुरा सबै ल्हाक्ती छ्यानःआथास। Se kapitlet |