२ कोरीन्थी 1:13 - चेपाङ13-14 ङीइ लेखओ बेलाहाङः नीङ्इ पह्रआक्तीको चीःसा खाय्ओ कुरा ह लेखती ल्होक्नेःनाङ्स। ओउःत झ्यान्ते द्याह्खेपाय् ङीकोः कुरा नीङ्इ जुदालेः चीःसा खाय्तेःनीली त खेःया लोनेखे नीङ्इ जुदालेः व्हाय्तो चीःसा खाय्तेःनानी। ओहाङःसै प्रभु येसुकोः वाङ्सा खेःओ दीन्हाङः नीङ्पाय् ङीइ ङ्हाम्ताक्ओ मान्तालम् च्यवःती झ्यान्ते ङी चोङाय्ती मुनाङी। नीङ्मा ङीलो लेखा ङीकःहाङः चोङाय्तो मुसा खाय्तेःनानी ओउःत स्याव्सा झाक्नाङी। Se kapitlet |