Apocalipsis 11:5 - Re C'ac'a Testamento pa Kach'abal

⁵ Y vo xa c'o jun vinak re nrajo' nuban jun etzelal chique re je ca'e' rusamajela' re Dios, man xtitiquir-ta. Roma re je ca'e' re', can ndel k'ak' pa quichi' chin niquiq'uis. Y re jun re c'o etzelal nrajo' nuban chique, can xtiq'uis riq'uin re k'ak' re ndel pa quichi' re je ca'e' re'.

Flere versioner

Kaqchikel Santo Domingo (Xenacoj)

⁵ Y xa achike na jun ri ndirajoꞌ ndubꞌen itzel chake, ma nditiker ta, porque pa kichiꞌ ri ekaꞌiꞌ riꞌ ndel pe qꞌaqꞌ ri achoq ikꞌin ngekiporoj ri itzel ngetzꞌeto kichin. Keriꞌ ri kamik ndukꞌulwachij xa achike na ri ndirajoꞌ ndubꞌen itzel chake.

Kaqchikel Santa Maria de Jesus

⁵ Y xa cꞌo jun nrajoꞌ nuꞌon itziel chica, xa xtiel-pa kꞌakꞌ pa quichiꞌ ijejeꞌ, chi ncaꞌquiqꞌuis ri quiyoval chiquij. Y xa jun cꞌo nrajoꞌ nuꞌon chica, can xtiqꞌuis riqꞌuin ri kꞌakꞌ reꞌ.

Kaqchiquel Bible

⁵ Y wi k'o jun wineq ri k'o jun etzelal ri nrajo' nuben chike, rije' nel q'aq' pa kichi' richin nikik'is ri etzelanel kichin.

Kaqchikel Central Guatemala

⁵ Y vi c'o c'a jun vinek ri c'o jun etzelal ri nrajo' nuben chique ri e ca'i' ri', man xtitiquir ta. Roma ri e ca'i' ri', can nel c'a k'ak' pa quichi' richin niquiq'uis. Y ri jun ri can c'o c'a nrajo' nuben chique, can xtiq'uis-vi c'a riq'uin ri k'ak' nel pa quichi' ri e ca'i' ri'.

Kaqchikel Western Solola

⁵ Y wi c'o c'a jun winek ri nrajo' nuben jun etzelal chique ri ye ca'i' ri', ma xticowin ta chiquij. Ruma ri ye ca'i' ri', can ntel c'a k'ak' pa tak quichi' riche (rixin) chi yequiq'uis ri yec'ulu'an quiche (quixin). Y ri jun ri can c'o c'a nrajo' nuben chique, can xtiq'uis wi c'a ruma ri k'ak' ri ntel pa tak quichi' ri ye ca'i' ri'.

Apocalipsis 11:5 Krydshenvisninger