हिब्रु 13:20 - आठपहरिया20-21 हाट्ले सान्ति आपिना माङ्हाङ्ङा खानि चाहाब् आलिसिगा सोरोक् ओचेट्नुगा थोक् खानि मापिडिटि नुङ् आङा बिन्टि चोगुङ्टुङ्, हिट्नुङ् उन्ङा निङ्ग्वा चोगुना रिङ् खानिङा चोक्मा आहिडुम्टुम्॥ ठुँबाचिगा ठेना गोठाले आनि डाङ्बा येसुलाउङ्सा माङ्हाङ्ङा सियानालाम्मा उहिङ्ग्वाट् फोगुए॥ येसुङाना ओहेलिक्लाम्मा माङ्हाङ्ङा उन् हिट्नुङ् ओयाप्मिचि माझाङि सोरोक् लियुयाक्ना माङ्हुप् उटुम् चोगुए॥ माङ्हाङ् पाक् रिङ्ङा खुसि चोगुटुना हिट्ना रिङ् आनिङि येसु खिरिस्टलाम्मा उन्ङा चोगुटु नुङ् आङा बिन्टि ठाङ्सुङ्टुङ्, हिट्नुङ् खिरिस्टङाना माहिमा जुग-जुग उलियाक्॥ आमेन्॥ Se kapitlet |