དྷ་ནི་ཨེལ 1 - Tibetan Old Testament 2011

དྷ་ནི་ཨེལ་དང་ཁོའི་གྲོགས་པོ་རྣམས། ༡:༡—༦:༢༨ ནེ་བུ་ཀད་ནེ་ཛར་གྱི་ཕོ་བྲང་དུ་བསླེབས་པའི་མི་གཞོན་པ་རྣམས།

¹ ཡ་ཧུ་དཱའི་རྒྱལ་པོ་ཡེ་ཧོ་ཡ་ཀིམ་གྱིས་རྒྱལ་སྲིད་སྐྱོང་ལོ་གསུམ་པར། བྷེ་བྷི་ལོ་ནི་ཡའི་རྒྱལ་པོ་ནེ་བུ་ཀད་ནེ་ཛར་གྱིས་ཡེ་རུ་ཤ་ལེམ་ལ་འཐབ་རྒོལ་བྱས་ཏེ་གྲོང་ཁྱེར་དེ་མཐའ་བསྐོར་རོ།

² དཀོན་མཆོག་གིས་རྒྱལ་པོ་ཡེ་ཧོ་ཡ་ཀིམ་དང་མཆོད་ཁང་གི་མཆོད་རྫས་གང་ཙམ་ཞིག་ཁོ་ལ་བཟུག་བཅུག་གནང་བ་དང་། ཁོས་བཙོན་པ་འགའ་ཤས་རང་དང་མཉམ་དུ་བྷེ་བྷི་ལོན་ལ་ཡོད་པའི་སོ་སོའི་ལྷ་རྟེན་རྣམས་ཀྱི་ལྷ་ཁང་དུ་འཁྲིད་དེ། འཕྲོག་བཅོམ་བྱས་པའི་དངོས་པོ་རྣམས་རང་གི་ལྷ་ཁང་གི་བང་མཛོད་དུ་བཞག་གོ

³ རང་ཡུལ་ནས་བཏོན་ཏེ་བཙོན་དུ་འཁྲིད་ཡོང་བའི་ཨིསི་རཱཨེལ་པ་ཚོའི་ཁྲོད་ནས་རྒྱལ་བརྒྱུད་དང་མི་ཚང་ཆེན་པོའི་རིགས་བརྒྱུད་ནས་ཡིན་པའི་མི་གཞོན་པ་འགའ་ཤས་འདམས་དགོས་ཅེས་རྒྱལ་པོས་རང་གི་ལས་བྱེད་པ་ཆེ་བ་ཨཤེ་པེ་ནཱཛེ་ལ་བཀའ་གནང་བ་རེད།

⁴ གཞོན་པ་དེ་ཚོ་ནི་བལྟ་ན་མཛེས་པ་དང་། ཤེས་རབ་ཀྱི་དོན་ཀུན་ལ་མཁས་པ་སློབ་སྦྱོང་ཡག་པོ་ཡོད་པ་མ་ཟད། དེ་ཚོའི་གཟུགས་པོར་སྐྱོན་མཚང་གང་ཡང་མེད་པ་བཅས་དགོས་ཤིང་། ཡང་དེ་ཚོ་ནི་རྒྱལ་པོའི་ཕོ་བྲང་དུ་ཞབས་ཞུ་འོས་པ་ཞིག་དགོས་པ་ཡིན་ནོ། ཨཤེ་པེ་ནཱཛེས་དེ་ཚོར་བྷེ་བྷི་ལོན་པའི་སྐད་ཡིག་བསླབ་དགོས་སོ།

⁵ རྒྱལ་པོས་བཀའ་གནང་བ། གཞོན་པ་དེ་ཆོར་ཉིན་རེ་བཞིན་ཕོ་བྲང་ནང་གི་མི་གཞན་གྱི་ཁ་ཟས་དང་འདྲ་བའི་ཁ་ཟས་བཟང་པོ་དང་འཐུང་བྱད་རྒུན་ཆང་བཅས་སྤྲོད་དགོས། དེ་ཚོར་ལོ་གསུམ་བར་དུ་སློབ་སྦྱོང་སྤྲད་པའི་རྗེས་སུ། རྒྱལ་པོའི་དྲུང་དུ་འཁྲིད་དགོས་པ་ཡིན་ནོ།

⁶ འདེམས་སྒྲུག་བྱས་པའི་མི་གཞོན་པ་དེ་ཚོའི་ཁོངས་སུ། ཡ་ཧུ་དཱ་པའི་རིགས་ནས་ཡིན་པ་དྷ་ནི་ཨེལ་དང་། ཧ་ནན་ཡཱ་དང་། མི་ཤ་ཨེལ་དང་། ཨ་ཛར་ཡཱ་བཅས་ཡོད་པ་ཡིན་ཏེ།

⁷ ལས་བྱེད་པ་གཙོ་བོས་དེ་ཚོར་མིང་གསར་པ་བཏགས་པ་ནི་གཤམ་གསལ་ལྟར་ཡིན་ནོ། བྷེལ་ཏེ་ཤ་ཛར་དང་། ཤད་རག་དང་། མེ་ཤཱག་དང་། ཨ་བྷེད་ནེ་གྷོ་བཅས་སོ།

⁸ དྷ་ནི་ཨེལ་གྱིས་སེམས་ལ། ང་ནི་རྒྱལ་པོའི་ཕོ་བྲང་གི་ཁ་ཟས་དང་རྒུན་ཆང་འཐུང་ནས་རང་ཉིད་ལ་མི་གཙང་བར་བཟོ་གི་མིན་ཞེས་ཐག་གཅོད་བྱས་ཏེ། དེའི་སྐོར་ཁོ་ལ་རོགས་གནང་རོགས་གནང་ཞེས་ཨཤེ་པེ་ནཱཛེ་ལ་ཞུས་སོ།

⁹ དེ་ནས་དཀོན་མཆོག་གིས་ཁོའི་སེམས་ནང་དྷ་ནི་ཨེལ་གྱི་ཕྱོགས་སུ་སྙིང་རྗེ་སྐྱེད་དུ་བཅུག་གོ

¹⁰ འོན་ཀྱང་ཨཤེ་པེ་ནཱཛེ་ནི་རྒྱལ་པོ་ལ་ཞེད་ཀྱི་ཡོད་པ་ཡིན་པས་ཁོས་དྷ་ནི་ཨེལ་ལ་སྨྲས་པ། ཁྱོད་ཀྱི་བཟའ་བཏུང་ག་རེ་བྱེད་དགོས་སྐོར་རྒྱལ་པོས་ཐག་ཆོད་གནང་ཟིན་པ་ཡིན་པས། ཁྱོད་རང་གཞོན་ནུ་གཞན་དང་འདྲ་བར་རྒྱུ་ལུས་བདེ་ཞིང་གཟུགས་སྟོབས་རྒྱས་པོ་ཡོད་པ་ཞིག་རྒྱལ་པོས་མ་གཟིགས་ན། ཁོང་གིས་ངའི་སྲོག་དེ་ལེན་ངེས་པ་ཡིན་ནོ།

¹¹ དེར་བརྟེན་དྷ་ནི་ཨེལ་རང་ཉིད་དང་རང་གི་གྲོགས་པོ་རྣམས་ལ་བལྟ་རྟོགས་བྱེད་མཁན་ཨཤེ་པེ་ནཱཛེ་བསྐོས་པའི་སྲུང་མཁན་རྩར་དྷ་ནི་ཨེལ་ཕྱིན་ནས།

¹² ཁོ་ལ་ང་ཚོར་ཉིན་ཞག་བཅུའི་བར་དུ་ཁ་ཟས་སུ་སྔོ་ཚོད་དང་བཏུང་བར་ཆུ་གནང་ནས། ང་ཚོར་བརྟག་དཔྱད་གནང་་རོགས་གནང་།

¹³ དེ་རྗེས་རྒྱལ་པོའི་ཕོ་བྲང་གི་ཁ་ཟས་ཟ་མཁན་གཞོན་ནུ་གཞན་དང་ང་ཚོའི་བར་ལ་ཁྱད་པ་ག་རེ་ཡོད་མེད་གཟིགས་ནས་ཐག་གཅོད་གནང་བར་མཛོད་ཅེས་ཞུས་པ་བཞིན།

¹⁴ ཁོང་གི་ཉིན་ཞག་བཅུའི་བར་དུ་དེ་ཚོར་བརྟག་དཔྱད་བྱེད་དུ་བཅུག་གོ

¹⁵ བརྟག་དཔྱད་བྱེད་པའི་ཞག་དུས་ཚང་བའི་རྗེས་སུ། རྒྱལ་པོའི་ཁ་ཟས་ཟ་མཁན་གཞོན་ནུ་གཞན་ལས་ཀྱང་དེ་ཚོ་རྒྱུ་ལུས་བདེ་ཞིང་སྟོབས་ཤུགས་ཆེ་བ་མཐོང་ངོ།

¹⁶ དེ་ནས་བཟུང་སྲུང་མཁན་དེས་རྒྱལ་པོས་གནང་བའི་ཁ་ཟས་ཀྱི་ཚབ་ཏུ་དེ་ཚོར་རྒྱུན་དུ་སྔོ་ཚོད་འབའ་ཞིག་སྤྲད་དོ།

¹⁷ དེ་ནས་དཀོན་མཆོག་གིས་གཞོན་ནུ་བཞི་ལ། ཡོན་ཏན་དང་། རྩོམ་རིག་རྩལ་དང་། མཚན་མ་རིག་ཙལ་གནང་བ་མ་ཟད། དྷ་ནི་ཨེལ་ལ་ཞལ་གཟིགས་དང་རྨི་ལམ་གྱི་དོན་བཤད་ཐུབ་པའི་ཤེས་རབ་གནང་ངོ་།

¹⁸ རྒྱལ་པོས་བཀའ་གནང་བ་བཞིན་ལོ་གསུམ་གྱི་རྗེས་སུ་ཨཤེ་པེ་ནཱཛེས་གཞོན་ནུ་དེ་ཚོ་ཚང་མ་ནེ་བུ་ཀད་ནེ་ཛར་གྱི་རྩར་འཁྲིད་པ་དང་།

¹⁹ རྒྱལ་པོས་དེ་ཚོ་ཚང་མར་གསུང་གླེང་གནང་བས། གཞོན་ནུ་དེ་ཚོའི་ནང་ནས་དྷ་ནི་ཨེལ་དང་། ཧ་ནན་ཡཱ་དང་། མི་ཤ་ཨེལ་དང་། ཨ་ཛར་ཡཱ་བཅས་ལ་ཐུགས་མཉེས་ཏེ། དེ་ཚོ་རྒྱལ་པོའི་ཕོ་བྲང་གི་འཁོར་གཡོག་པའི་གོ་གནས་སུ་བསྐོ་གཞག་གནང་ངོ།

²⁰ རྒྱལ་པོ་ལ་དྲི་བ་འམ་དཀའ་ངལ་གང་འདྲ་ཞིག་ཡོད་ནའང་། དེའི་སྐོར་ལ་གཞོན་ནུ་བཞི་པོ་དེ་ཚོ་ཡུལ་གྱི་ནང་དུ་ཡོད་པའི་རྩིས་པ་དང་སྒྱུ་མ་མཁན་ཚང་མ་ལས་བཅུ་ལྡབ་ཀྱིས་མང་བ་ཤེས་ཀྱི་ཡོད་དོ།

²¹ ཡུལ་པར་སི་ཡའི་རྒྱལ་པོ་སའི་རསེ་ཀྱིས་བྷེ་བྷི་ལོ་ནི་ཡ་ལ་དབང་བསྒྱུར་བའི་ལོ་དང་པོ་བར་དུ་དྷ་ནི་ཨེལ་རྒྱལ་པོའི་ཕོ་བྲང་གི་ཞབས་ཏོག་པ་བྱས་ནས་བསྡད་དོ༎