NULLA 1 - BIBALDA TA PELDETTA

ƊERWEL MA JEWNA

¹ Sle'ta ka kay sa ma tuɗ hay ŋra-vunda vi sa jiw-zlatɗi, col hay hagata vi sa sulukɗi, mus hay liyn ma lakka vi sa burahtaɗi kaw.

² May firita valamu ka hay vun-ma-gatna vi Ma-Vatɗina, vara kay vun-ma-gatna valamu falayta hiɗi henjeta kaw.

³ Nam ŋray ca hiɗi gu ma piy kel niy-ma-riŋŋa, ma vuɗ vuɗna valamu hay liyamu, ma humam may so goyɗi, slen pet ma nam lumna halalda ka kuɗumu.

⁴ Sa jiw-zlatna may naɗi, nisi ki burana ma simeɗna dolom goyo nala.

⁵ Kay mige sa jiw-zlata fi lak kulo'o vun kitatɗi, sa sulukŋa as lak hay tapna vi sa ɗigeraɗi kaw.

⁶ Kay Ma-Vatɗina wi hagata vi sa ɗigera, may hagata vi sa jiw-zlata ma narsi hay bata-goyta.