Juan 3:4 - Porciones del Nuevo Testamento

⁴ Mawũãĩ Nicodemobara mawũãsia: ¿Dazhira zõrãta sãwũã wakusa toipe? ¿Mobera wakusa zhi papa bꞌitaedꞌa wã bꞌeika wakusa toita?

Juan 3:4 Cyfeiriadau Croes

Juan 3:3

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa wakusa tobʉrʉ ẽãrã Daizezeta Nokꞌodꞌebema ẽã.

Juan 6:53

Mawũãnaĩ Jesúsbara mawũãsia: Mʉã wãrĩnu marãã jaraya: Mʉ Beubari Bape bꞌʉ zharata kꞌodꞌa ẽbʉrʉ, mʉ wata dodꞌa ẽbʉrʉ erubꞌea ẽã Daizeze ũme bꞌai jõ ẽãrã.

Juan 6:60

Maʉ̃ta ũrĩnape izhi pẽwã bꞌebara bioba mawũãsidꞌa: Maʉ̃ bedꞌeara zarea. ¿Mawũẽ kꞌaiba ũrĩ bꞌeipe?

Juan 3:5

Mawũãĩ Jesúsbara panaʉ̃ mawũãsia: Mʉã wãrĩnu bʉaa jaraya, iabꞌa baniãneba Jawurebiadꞌeba tobʉrʉ ẽãrã edꞌa wã bꞌe ẽã Daizezeta Nokꞌo maẽrã.