Lucas 1:1 - Yaminahua1-4 Teófilo, ẽ mia kirika kenexõ manamani, mĩ tãpinõ. Mã mĩ tãpia Jesús nõko mai ano ipaoni. Nõko mai ano ikano yorafãfe õipaonifo. Akka nã fakenitĩa õiaifono yosini. Nãfãferi õikaxõ yora fetsafo yoipaonifo akairi Jesúsnoa tãpinõfo. Ato yoiaifãfe nikakakĩ akairi kirika kenepaonifo afeskai nofe Jesús ikimamẽ ikaxõ. Nãskarifiakĩ ẽ mia kirika kenexoni, nã Jesús tãpiafo yõkaxõ. Efe yorashta Teófilo, nãskakẽ ẽ mia kirika kenexõ manamani, nã mia Jesúsnoa yoiaifono nikakĩ mĩ chanĩmara fanõ. Viz kapitola |