Marcos 14:12 - Teusö Tä Waheta12 Ĩ na tä kua tä, ĩsa ãi hölö mai ĩ ãi na juteu töpö iapalo wi, ĩ kolo pili tä wakala kupasoma. Sutu upa Esitu tä ulu pata ha juteu kolo töpö kua tä, Teusö anö ĩ töpö täa konönö noai, ĩ juteu ola töpönö ĩ tä taö soa salo, töpö kokamo nö, töpö iapalo sinomoma. Töpö kokamo nö, ĩsa ãi hölö mai, ĩ ãi opala apatima. Ĩ ãi opala noai, ĩ kolo pili tä wakala ha oweha kökö säpalö noai, ĩ kökö tia sinomotima. Ĩ pásökoa tä wakala kuki ha, Jesus a na kama kai a hua sinomoti wi ĩ töpö waloiki nö, ‑Makö pásökoamo pia manu kule, witi pili a sai pö na nii sama tä pi makeköpö taka?‑ ĩ na töpö kuuma. Viz kapitola |