Santiago 3:17 - Tzotzil San Andres

¹⁷ Ti cꞌuxi yoꞌ chvinaj o ti acꞌbilutic jpꞌijiltic yuꞌun li Diose, scꞌan ti naca lec li cꞌustic ta jpastique. Mu jliquestic cꞌop, ta jbicꞌtajes jbatic, ta jchꞌuntic mantal, chijcꞌuxubinvan, chijcoltavan, tucꞌ li cꞌusi ta jnoptique, mu xijloꞌlovan.

Tzotzil Zinacantan

¹⁷ Yoꞌ xvinaj o ti spꞌijubtasojotic ti Rioxe, lec ti cꞌusitic ta jpastique. Mu jliquestic cꞌop, mu jtoy jbatic, ta jchꞌuntic mantal, chicꞌuxubinvanotic, chicoltavanotic. Mu jliqueluc lec, mu jliqueluc chopol ti cꞌusi ta jpastique. Ti cꞌusi chcaltique yuꞌun onox yech jchꞌunojtic.

Bible in Tzotzil de Chamula

¹⁷ Ja'uc ti buch'u liquem talel sbijilic ta stojol ti Diose, stamojbe lec smelol stuq'uil ti xcuxlejale, oy slamajemal yo'nton, oy xc'uxul yo'nton, oy lec srazon, sna' xcoltavan, lec ti c'usi ta spase, xc'ot xc'opoj, xchi'uc jamal ye sti'ic.

Bible in Tzotzil de Chenalhó with Deuterocanon

¹⁷ Yan li jbijiltic chlic tal ta stojol Diose, lec scotol c'usitic ta jpastic yu'un. Jech noxtoc mu jliquestic c'op, oy ta co'nton jchi'iltic, oy slequil co'ntontic; chijc'uxubinvanutic, muc t'ujbiluc no'ox boch'o chquich'tic ta muc', xchi'uc muc ja'uc no'ox ta jmactic satil.

Tzotzil de Huixtán

¹⁷ Ti sp'ijil co'ntontique ti chijyac'bucutic ti Diose, ja' puru lec ti c'usi ti jpastique. Mu jc'antic pleito. Biq'uit chcac' jbatic. Ja' ti jch'untic mantal. Chijc'uxubinvan. Chijcoltavan. Toj ti jnoptic. Mu xijlo'lavan.

Santiago 3:17 Křížové odkazy