Hechos 27:44 - Tzotzil San Andres

⁴⁴ Li yanetique acꞌo cajiicuc batel ta tenelteꞌetic schiꞌuc ta svocꞌolil li barcoe ―xut yajsoltarotac li banquilal soltaroe. Jech jcotolcutic lijlocꞌcutic ta tiꞌnab. Muc buchꞌu icham cuꞌuncutic.

Tzotzil Zinacantan

⁴⁴ Li yantique acꞌu cajlicuc echꞌel jlomuc ta tabla, jlomuc ta vocꞌolil barco ―xut yajsolterotac ti capitane. Jaꞌ yech lilocꞌ o jcotolticotic ta tiꞌmar. Muc muchꞌu icham.

Bible in Tzotzil de Chamula

⁴⁴ Ti buch'utic mu sna'ique, cajiicuc ech'el ta tenel-te' mi ta xet'elul ti barcoe. Ja' jech cuxul lic'ot jcotolcutic ta banomil ti oy ta ti' nabe.

Bible in Tzotzil de Chenalhó with Deuterocanon

⁴⁴ Li yantique ac'o cajiicuc batel ta tenalte'etic xchi'uc ta svoc'oliltac li barcoe”, xi. Ja' jech licol loq'uel jcotolcutic.

Tzotzil de Huixtán

⁴⁴ Ti yantique o'lol ac'o scolta sbaic ti tenelte', o'lol ac'o scolta sbaic ti svoc'olil ti barcoe ―xut ti yajsoldadoe. Hech jcotoltutic niloc'tutic batel ti barco. Hech c'ot jtatutic ti balumile.

Hechos 27:44 Křížové odkazy