2 Tesalonicenses 2:16 - Tzotzil San Andres

¹⁶ Li Cajvaltic Jesucristoe schiꞌuc li Jtotic Diose toj ep slequil yoꞌon ta jtojoltic. Spatojbutic coꞌontic yuꞌun yacꞌoj jnaꞌtic ti chijcolutic o sbatel osile.

Tzotzil Zinacantan

¹⁶ Ti Cajvaltic Jesucristoe xchiꞌuc ti Jtotic Riox ta vinajele scꞌanojotic tajmec. Spatoj coꞌontic yuꞌun yaloj ti ta slequil noꞌox yoꞌon chacꞌ jcuxlejaltic ta sbatel osile.

Bible in Tzotzil de Chamula

^16-17 Ti Jtotic Dios cu'untique laj xc'uxubinotic, laj yac'botic spatobil co'ntontic sbatel osil ti oy c'usi ta jmalatic ta jtatic ta sventa ti slequilal yutsilal yo'ntone. Ti Dios taje xchi'uc ti Cajvaltic Jesucristoe, ac'o yac'boxuc yip avo'ntonic ta spasel ta yalel ti c'usi leque.

Bible in Tzotzil de Chenalhó with Deuterocanon

^16-17 Ac'o stsatsubtasboxuc avo'ntonic, ac'o scoltaoxuc stuc li Cajvaltic Jesucristoe xchi'uc li Dios cu'untique. Ja' li Jtotic ti ep la sc'anutique, ti laj yac'butic spatubil co'ntontic sventa sbatel osile, xchi'uc ti ta sventa slequil yo'nton laj yac' ti jech jun co'ntontic ta jmalatic li c'usi yalojbutique, yu'un jech j'ech'el jun avo'nton ja' chapasic o, ja' chavalic o li c'usitic leque.

Tzotzil de Huixtán

^16-17 Ep c'uxucutic ti yo'nton ti Jtotic Dios cu'untique. Ep yutsil yo'nton cu'untic, hech yu'un yac'ojbucutic smuc'ul co'ntontic sventa sbatel osil. Yac'ojbucutic jna'tic ti chijcolucutic sbatel osil. Hech yu'un ti jc'ambetutic vocol ti Jtotic Diose xchi'uc ti Cajvaltic Jesucristoe yu'un ac'o smuc'ubtasboxuc avo'ntonic, ac'o stsatsubtasboxuc avo'ntonic hech puru lequil c'op chavalic, hech puru lequil abtel chapasic.

2 Tesalonicenses 2:16 Křížové odkazy