2 Corintios 12:10 - Tzotzil San Andres

¹⁰ Ta sventa ti jaꞌ quichꞌojbe stsatsal li Cristoe ximuybaj noꞌox mi chquichꞌ labanele, mi oy jvocol ta scoj ti mu cꞌusi oy cuꞌune, mi chquichꞌ contrainele, mi ep li cꞌusi toj vocol chtal ta jtojole ta sventa ti quichꞌoj ta mucꞌ li Cristoe. Ti mu xcuch cuꞌun jtuque, jaꞌ ta xquichꞌbe stsatsal li Cristoe jaꞌ to jech chcuch cuꞌun.

Tzotzil Zinacantan

¹⁰ Yechꞌo ti mu xcat o coꞌon mi chilabanate, mi chꞌabal cꞌusuc cuꞌune, mi chicrontainate, mi abol o jba ti quichꞌoj ta muqꞌue. Acꞌu mi mu xa xcuch cuꞌun yaꞌel, pero ta xcuch cuꞌun yuꞌun jaꞌ chiscolta ti Cristoe.

Bible in Tzotzil de Chamula

¹⁰ Ximuyubaj xa ti mu'yuc yipal cu'une, ti oy labanele, ti mu'yuc c'usi x'ayan cu'une, ti oy ilbajinele, ti tsots vocol ta xquich' ta sventa ti Cristoe. C'alal mu'yuc xa yipal cu'une, x'ech' to oy yipal cu'un.

Bible in Tzotzil de Chenalhó with Deuterocanon

¹⁰ Ja' yu'un, ta sventa ti c'uxun ta yo'nton li Cristoe, jech xcuxet no'ox co'nton ti mu'yuc c'usi xu' cu'une, ac'o me chquich' labanel, me mu'yuc c'usi oy cu'un, me chquich' uts'intael, me toj ep jvocol ta sventa li Cristoe. Ta sventa ti mu'yuc jtsatsale, ja' oy lec jtsatsal; ep c'usi xu' cu'un.

Tzotzil de Huixtán

¹⁰ Hech yu'un nichim no'ox co'nton manchuc mi mu'yuc ti quipe, manchuc mi chquich' labanele, manchuc mi chquich' vocole, manchuc mi chquich' ilbajinele, manchuc mi uts jba ti sventa ti Cristoe. Yu'un ti mu'yuc quip jtuque, hech yu'un más chquich'be yip ti Cristoe.

2 Corintios 12:10 Křížové odkazy