1 Tesalonicenses 1:2 - Tzotzil San Andres

^2-3 Li joꞌoncutique scotol cꞌacꞌal ta xcalbecutic coliyal Dios ta sventa ti lec avichꞌojic ta mucꞌ li Cajvaltic Jesucristoe. Schiꞌuc ti lec chapasic li cꞌustic ta scꞌan li Diose, jaꞌ ti chacꞌuxubinvanique, ti chacoltavanique, ti jun avoꞌonic chamalaic ti ta xchaꞌtal li Cajvaltique acꞌo mi chavichꞌic vocol. Jaꞌ yuꞌun chajtꞌabcutic scotol cꞌacꞌal li cꞌalal ta jtacutic ta naꞌel li Jtotic Dios cuꞌuntique.

Tzotzil Zinacantan

^2-3 Li voꞌoticotique scotol cꞌacꞌal “colaval” chcuticotic ti Rioxe ti achꞌunojbeic li scꞌope, ti chapasic li cꞌusitic lec chile. Jaꞌ ti chacꞌuxubinvanique, ti chacoltavanique, ti jun avoꞌon amalaojic ta xtal ti Cajvaltic Jesucristoe acꞌu mi abol abaic ta ilbajinel. Jaꞌ yech chul ta jolticotic cꞌalal ta jcꞌoponticotic Rioxe, jaꞌ ti Riox ti quichꞌojtic ta muqꞌue, jaꞌ ti Jtotic ta jcotoltique.

Bible in Tzotzil de Chamula

² C'alal ta xavul ta co'ntoncutic acotolique, colaval xichicutic ta stojol Dios c'alal ta xic'opoj xiti'incutique.

Bible in Tzotzil de Chenalhó with Deuterocanon

² Scotol ora ta jtojbecutic ta vocol Dios ta aventaic. Mu'yuc bu chach'ay ta co'ntoncutic ti c'alal ta jc'opancutic Diose.

Tzotzil de Huixtán

² Ti ho'ontutique scotol c'ac'al hocol aval chcututic ti Diose yu'un ti ach'unojbeic xa ti sc'ope. Scotol c'ac'al chajna'oxuc ti stojol ti Diose acotolic.

1 Tesalonicenses 1:2 Křížové odkazy