1 Tesalonicenses 1:1 - Tzotzil San Andres

¹ Joꞌon Pabloun, schiꞌuc Silas, schiꞌuc Timoteo, chajcꞌoponcutic batel ta carta liꞌi, joꞌoxuc ti avichꞌojic xa ta mucꞌ li Cajvaltic li te ta Tesalónicae. Yuꞌun coꞌol oyutic xa ta scꞌob li Jtotic Diose schiꞌuc li Cajvaltic Jesucristoe. Acꞌo yacꞌboxuc slequilal yutsilal li Jtotic Diose schiꞌuc li Cajvaltic Jesucristoe. Acꞌo spasboxuc ta jun avoꞌonic li jujunoxuque.

Tzotzil Zinacantan

¹ Voꞌon Pabloon, xchiꞌuc li Silvanoe, xchiꞌuc li Timoteoe, chajcꞌoponticotic tal ta vun, voꞌoxuc ti coꞌol quichꞌojtic ta mucꞌ ti Jtotic Riox ta vinajele xchiꞌuc ti Cajvaltic Jesucristoe ti liꞌ nacaloxuc ta jteclum Tesalónicae. Acꞌu yacꞌboxuc crasia ti Jtotic Riox ta vinajele xchiꞌuc ti Cajvaltic Jesucristoe. Junuc me avoꞌonic, mu me cꞌusi xal avoꞌonic.

Bible in Tzotzil de Chamula

¹ Vu'un Pablo xchi'uc ti Silvanoe, xchi'uc ti Timoteoe, ta jts'ibaboxuc talel ti jvuncutic ta atojolic ti jch'unolajeloxuc oyoxuc ta jteclum Tesalónicae, ti oyoxuc ta stojol ti Jtotic Diose xchi'uc ti Cajvaltic Jesucristoe. Ac'o sva'an sba ta atojolic ti Jtotic Diose xchi'uc ti Cajvaltic Jesucristoe. Ac'o yac'boxuc slamajemal yo'nton ta atojolic.

Bible in Tzotzil de Chenalhó with Deuterocanon

¹ Vu'un Pabloun, jchi'uc Silas, jchi'uc Timoteo, ta jc'opanotcutic tal ta carta, vo'oxuc li steclumaloxuc Cristo te ta lum Tesalonicae ti oyoxuc xa ta stojol li Dios Totile xchi'uc li Cajvaltic Jesucristoe. Ac'o xc'uxubinoxuc, ac'o spasboxuc o ta jun avo'ntonic li Diose.

Tzotzil de Huixtán

¹ Ho'on Pabloun xchi'uc ti cha'vo' quermanotic, ja' ti Silase xchi'uc ti Timoteoe, oxvo'untutic ti chajc'oponoxuc ti cartae, ho'oxuc ti te nacaloxuc ti jteclum Tesalonicae ti na'ic'atic xa tal ti stojol ti Jtotic Diose xchi'uc ti Cajvaltic Jesucristoe. Ac'o yac'boxuc bendición ti Jtotic Diose xchi'uc ti Cajvaltic Jesucristoe. Ac'o yac'bot jun avo'ntonic ti jujunoxuque.

1 Tesalonicenses 1:1 Křížové odkazy