1 Corintios 15:24 - Tzotzil San Andres

²⁴ Cꞌalal ta sta li slajeb cꞌacꞌale, li Cristoe jaꞌ o chacꞌbe yichꞌ ta venta li Jtotic Dios scotol li buchꞌutic yichꞌojic ta mucꞌ li Cristoe. Yuꞌun li Cristoe la xa spasan ta canal scotol li yajcontrae, mi pucuj, mi crixchano, ti liꞌ tspasic mantal ta balumile, li oy sjuꞌelique, li ichꞌbilic ta muqꞌue.

Tzotzil Zinacantan

²⁴ Tsꞌacal to ta xchꞌaybe scꞌoplal ti muchꞌutic chcrontainone, mi crixchano, mi pucuj. Jaꞌo xa chiyacꞌotic entrucal ta stojol Jtotic Riox ta vinajel voꞌotic ti quichꞌojtic ta muqꞌue. Jaꞌo xa chlaj li balamile.

Bible in Tzotzil de Chamula

²⁴ Va'i un, ta xvul ta loq'uel ti slajeb c'ac'ale c'alal ti Cristo ta xac'be ta yoc ta sc'ob Jtotic Dios ti ventainel yu'une. Yu'un ti Cristoe laj xa stsal scotol ti yajcontrae, ti pucujetique, ti ajvaliletique, ti buch'utic jelavem xu' yu'unique.

Bible in Tzotzil de Chenalhó with Deuterocanon

²⁴ Ja'o chtal li slajebale, ja'o ti c'alal laj xa stsal scotol li jpasmantaletique, ti tsots svu'elique, ti ch'unbil smantalique. Ja'o yorail chac'be ta sc'ob Dios Totil scotol li yabtele.

Tzotzil de Huixtán

²⁴ Patil c'alal tsta yorail ti slajebal c'ac'ale, tsalbil chc'ot yu'un ti Cristoe scotol ti yajcontrae ti oy yipe, ti oy sp'ijile, ti oy yip tspas mantale. C'alal tsalbil xa yu'un scotole, hech yu'un chac'be entrecal ti sc'ob ti Jtotic Diose scotol ti much'utic ich'umbat sc'op yu'une. Yu'un ja' i'ac'bat yabtel yu'un.

1 Corintios 15:24 Křížové odkazy