Números 16:14 - Bible in Tzotzil de Chamula

¹⁴ Yu'un ti vo'ote ma'uc ta xavic'uncutic ech'el ta jun lum ti bu co'ol s'elan vo' ta xbein ti ch'u vacaxe, ti ajapome. Yu'un mi ja'uc ta xavac'buncutic ti osile, ti sts'unubal uvae. ¿Mi yu'un avac'touc xa ti co'oluc s'elan junuc ma'sat ti scotolic xvoletic batel ta apate? Mo'oj un, mu to jc'an jq'uelcutic ma' ti asat une.

Bible in Tzotzil de Chenalhó with Deuterocanon

¹⁴ Li vo'ote, mu'yuc chavic'uncutic ochel ta junuc banamil ti bu ta xloc' ep ya'lel xchu' vacax xchi'uc pom jech chac c'u cha'al ta xloc' vo'e. Xchi'uc mu'yuc bu avac'ojbun cosilcutic sventa jts'usubcutic. Ja' chac'an ti solel ta jch'uncutic xa no'ox iq'uel batel avu'un jech chac c'u cha'al ma'satetique. Mo'oj to ca'tic, mu jc'an xajq'uelotcutic o —xiic.

Números 16:14 Křížové odkazy