Mareko 2:18 - Setswana 1970

¹⁸ Ka sebaka seo barutwa ba ga Johane le Bafarisai ba ne ba itima dijo. Jaanong ba tla, ba mo raya ba re: “Ke go reng, fa barutwa ba ga Johane le barutwa ba Bafarisai ba itima dijo, mme barutwa ba gago bone ba sa dire jalo?”

Lefoko: La Botshelo Kgolagano e Ntsha

¹⁸ Mme barutwa ba ga Johane le baeteledipele ba Sejuta e ne e tle e re ka nako tse dingwe ba ikitse dijo, ke gore, ba tlhoke go ja e le ntlha nngwe ya tumelo ya bone; ya re letsatsi lengwe ba tla kwa go Jesu ba mmotsa gore ke ka ntlha yang fa barutwa ba gagwe le bone ba sa ikitse dijo?

Bibela ea Boitsépho 1890 (Sechuana Tlhaping - Moffatt Bible)

¹⁸ Mi barutoa ba ga Yohane le ba Bafarisai, ba riha go bisa go ya, mi ba tla, ba mo raea, Barutoa ba ga Yohane le ba Bafarasai, ba rihelañ go bisa go ya, mi barutoa ba gago ga ba rihe go bisa go ya?

BAEBELE e e Boitshepo

¹⁸ Barutwa ba ga Johane le Bafarisai ba bo ba ikiditse dijo; mme ba tla ba mo raya ba re: “Ana fa e bo ne ne barutwa ba ga Johane le barutwa ba Bafarisai ba ikitsa go ja, mme barutwa ba gago ba sa ikitse go ja, ke ka ntlha yang?”

Mareko 2:18 Křížové odkazy