ཤ་མུ་ཨེལ་དང་པོ། 4:3 - Tibetan Old Testament 20113 དམག་མི་ལྷག་འཕྲོས་ལུས་པ་རྣམས་དམག་སྒར་དུ་ཕྱིར་ལོག་བྱེད་སྐབས་ཨིསི་རཱཨེལ་པའི་འགོ་བྱེད་རྣམས་ཀྱིས་སྨྲས་པ། དེ་རིང་གཙོ་བོ་དཀོན་མཆོག་གི་ང་ཚོ་ཕེ་ལེ་ཤེད་པའི་ལག་ནས་འཕམ་བཅུག་པར་མཛད་པ་དེ་ཅི་ཡིན་ནམ། ད་ང་ཚོ་ཕྱིན་ནས་གཙོ་བོ་དཀོན་མཆོག་གི་དམ་བཅའི་སྒྲོམ་དེ་ཤི་ལཱོ་ནས་ཚུར་གདན་དྲངས་དགོས། དེ་ལྟར་བྱེད་ན་ཁོང་ང་ཚོ་དང་མཉམ་དུ་ཕེབས་ཏེ་ང་ཚོའི་དགྲ་བོའི་ལག་ནས་སྲུང་སྐྱོབ་མཛད་པར་འགྱུར། Viz kapitolaNew Tibetan Bible བོད་འགྱུར་གསར་མ།3 དེ་ནས་འབངས་མི་ཐམས་ཅད་དམག་སྒར་ནང་དུ་སླེབས་ཙ་ན། ཡེས་ར་ཨེལ་པའི་རྒན་པོ་རྣམས་ན་རེ། དེ་རིང་དཀོན་མཆོག་ཡ་ཝཱེས་ངེད་རྣམས་ཕེ་ལེ་ཤེད་པའི་མདུན་དུ་ཅིའི་ཕྱིར་ཕམ་པར་མཛད་དམ། ཞི་ལོ་གྲོང་ཁྱེར་དུ་དཀོན་མཆོག་ཡ་ཝཱེའི་ཞལ་ཆད་ཀྱི་ཤུར་སྒམ་དེ་ལེན་དུ་སོང་ཞིག་དང་། ཁོང་ནི་ངེད་རྣམས་ཀྱི་ཁྲོད་དུ་བཞུགས་པ་ཡིན་ཚེ། ངེད་རྣམས་དགྲ་བོའི་ལག་ནས་ཐར་བར་འགྱུར་ཞེས་སྨྲས། Viz kapitola |