Ore i mexü̃ ga Luca ümatüxü̃ 11:29 - Tupanaarü Ore29 Rü nimuetanü ga duü̃xü̃gü ga Ngechuchuxü̃tawa ngutaque̱xegüxü̃. Rü inanaxügü ga Ngechuchu ga namaxã nax yadexaxü̃. Rü ñanagürü: —Ñaa duü̃xü̃gü i chixecümaxü̃ i ñomaü̃cüü maxẽxü̃ rü naxca̱x ínacagü i wüxi i cua̱xruxü̃ i Tupanaarü poramaxã üxü̃. Natürü Tupana rü wüxixicatama i cua̱xruxü̃ tá nüxü̃ nawe̱x. Rü yema cua̱xruxü̃ ga Tupana Yonáwa duü̃xü̃güxü̃ wéxü̃rüxü̃ tá nixĩ i nüxü̃ nawéxü̃. Viz kapitola |