Ãẽ̱xgacügü ga guxchaxü̃güarü mexẽxẽruü̃gü 6:25 - Tupanaarü Ore25 Rü yematama chütaxü̃gu rü Cori ya Tupana rü Yedeóü̃xü̃ ñanagürü: —Chanaxwa̱xe i cuyayaxu i wüxi i cunatüarü woca i yatüxü̃ rü ngẽma to i woca i yatüxü̃ i 7 ya taunecü nüxü̃́ ngẽxmaxü̃. ¡Rü ngẽma taxre i wocamaxã yatúxuchi rü nagu napogü i ngẽma Baáxarü ãmarearü guruxü̃ i cunatü nawa Baáca̱x yaguxü̃ i ãmaregü! ¡Rü ngẽxgumarüxü̃ ta natuxuchi rü yawa̱xẽxẽ i ngẽma tupananeta i Acheráchicüna̱xã i nainaxca̱x i ngẽma Baáarü ãmarearü guruü̃xü̃tawa ngẽxmaxü̃! Viz kapitola |