Édra 3:10 - Tupanaarü Ore10 Rü yexguma yema Tupanapata ga taxü̃nearü mexẽẽruü̃gü nanucugu ga nüxíraü̃cü ga nutagü ga naxtapü̱xparagü nawa rütogüne, rü nüma ga chacherdótegü rü mea nügü nangaxãẽãcüma yexma nachigü rü nayacue ga norü cornétagü. Rü yema Lebítanüxü̃ ga Achátaagü rü yéma nanana ga norü paxetaruü̃gü ga namaxã Tupanaxü̃ yacua̱xüü̃güxü̃, yema ãẽ̱xgacü ga Dabí unagüxü̃rüxü̃. Viz kapitola |