Wenaxarü naxümatü ga Tupanaarü mugü 31:21 - Tupanaarü Ore21 Natürü ngẽxguma naxca̱x tá ínanguxgu i naguxü̃raü̃xü̃ i ngúxü̃gü rü guxchaxü̃gü, rü ñaa wiyaewa tá nüxna nacua̱xãchie nax chixexü̃ naxügüxü̃. Erü ngẽma nataagü rü tá nüxna nacua̱xãchi i ñaa wiyae rü tá nagu nawiyaegü. Rü choma rü naxü̃pa nax nagu chanachocuxẽẽxü̃ i ngẽma Iraétanüxü̃ nawa i ngẽma naane ga namaxã chaxueguxü̃ rü marü nüxü̃ chacua̱x nax ta̱xacürü chixexü̃gu tá yixĩxü̃ ga naxĩnüexü̃ —ñanagürü ga Tupana. Viz kapitola |