Wenaxarü naxümatü ga Tupanaarü mugü 28:51 - Tupanaarü Ore51 Rü ngẽma duü̃xü̃gü rü tá curü wocaxacügümaxã naxãwemü. Rü cuanegu cutoxü̃ i cunetügüarü o rü tá nayabuxgü ñu̱xmatáta taxuxü̃táma i norü o ngéma yaxǘgüxẽxẽ. Rü ngẽma curü tríguarü o, rü taxuxü̃táma ngéma nayaxügüxẽxẽ. Rü ngẽxgumarüxü̃ ta i curü bínu, rü chíxü̃, rü curü wocaxacügü rü curü carnéruxacügü rü taxuxü̃táma ngéma nayaxügüxẽxẽ. Rü ngẽmagagu tá taiyamaxã cuyu. Viz kapitola |