Wenaxarü naxümatü ga Tupanaarü mugü 18:21 - Tupanaarü Ore21-22 Rü ngẽxguma chi pema rü nagu perüxĩnüegu: “¿Rü ñuxãcü tá nüxü̃ icuáxü̃ nax tama Tupanaarü ore yixĩxü̃ i ngẽma nüxü̃ yaxuxü̃ i ngẽma orearü uruxü̃?” rü name nax nüxü̃ pecuáxü̃ rü ngẽxguma ngẽma ore i Tupanaégagu nüxü̃ yaxuxü̃ rü tama yanguxgu, rü ngẽmawa tá nüxü̃ pecua̱x nax tama Cori ya Tupanaarü ore yixĩxü̃, rü ngẽma orearü uruxü̃ rü norü ngúchaü̃mare nixu. Rü ngẽmaca̱x i pema rü tama name nax nüxü̃ pemuü̃exü̃. Viz kapitola |