Norü taxre ga popera ga ãẽ̱xgacügüchiga 18:26 - Tupanaarü Ore26 Rü Eriaquíü̃ ga Irichía nane rü Chéna rü Yoá nanangãxü̃gü ga yema Achíriaanearü churaragüeru rü nüxü̃ ñanagürügü: —Tanaxwa̱xe i Araméutanüxü̃gawa tomaxã quidexa i cumax, erü toma rü nüxü̃ tacua̱x i ngẽma Araméutanüxü̃ga. ¡Rü taxṹ i Ebréugügawa tomaxã quidexaxü̃ i cumax! Erü guxü̃ma i ngẽma duü̃xü̃gü i ĩanearü poxeguxü̃tápü̱xétüwa rüdaunüxü̃ rü nüxü̃ naxĩnüe —ñanagürügü. Viz kapitola |