२ कोरिन्थी 7:11 - परमेश्वरला बचन छार कबुल11 तिग्दा भिसम च्यागो, परमेश्वरग्याम खबा सुर्दासे एनीगदेदा गाते आँट पिन्बा मुला। थे सुर्दासे एनीगदेदा ह्राङ तिगै दोष आरेबादेन ज्यबा म्हि हिन्ना भिसी उन्बारी आँट पिन्बा मुला। थे सुर्दासे एनीगदेला गुङरी पाप लबा म्हिगदे म्राङ्सी बोमो खना लबा मुला। ओच्छे एनीगदेदा ङादेन छ्याम ह्रुप तबा सेम पिन्ना। थेह्रङ् लसीन पापग्याम याङ्बा सजाय म्राङ्सी लोङ्बादेन पाप गे लबा म्हिदा सजाय पिन्बा सेम खना लला। चु तामग्यामसेन एनीगदे तिगै दोष आरेबा म्हि हिन्ना भिसी था याङ्ला। Viz kapitola |