रोमी 1:13 - स्युबा13 आतानोःक्या ओःले आजीनोःमोक्या, ङाः ख्याक्यासाःला माःङ्बुरा खेप ओःङेन सेम पेःदी एःके लाःकेन ताम ख्याक्याइ छोर्च्युक, इःनाङ ची ची लेःगाइ पेःगासुना ङाः ख्याक्यासाःला ओःङ्जे ज्योर्ती म्याः। ङाःइ राःङ्सा ठाउँक्यालाङ राःङ्सा क्युःपाइ मीःक्याला ख्रीष्टला ख्योङ्क्योक च्योःङ्रारा ख्याक्याइ ठाउँलाङ मीःक्याला ख्रीष्टला ख्योङ्जे खुगा लाःकेन ङाःइ सेम इःङे। Viz kapitola |