Neiham 1:15 - Kriol Baibul

¹⁵ Ol yumob Juda pipul yumob luk na. Deya ontop langa det haibala hil yumob gin luk det mesinja kaminap garram det gudnyus. Im kaman na garram det gudnyus weya God garra meigim wi jidan gudwei. Wal ol yumob gin abum detlot serramoni blanga yumob na, en yumob garra gibit God ola enijing weya yumob bin pramisim blanga gibit im, en ol detlot nogudbala pipul kaan teikoba det kantri blanga yumob igin, dumaji God bin binijimap olabat brabliwei.

Neiham 1:15 Křížové odkazy