Luk 2:22 - Tanna Southwest22-24 Ye nɨpɨg a, tukmə kwajikovə kɨrik rarha, rɨmni mɨne nɨsɨni tukawəkeikei mwor sakrefaes kape nəspirien mamə, rəri-pən Loa kape Moses, kɨni ruauə atuatuk ye nɨpɨg kape Josef mɨne Meri mə tukwor məkna. Ror pən kɨrərəh Yesu mɨrhuvən Jerusalem, mɨravəh mak ye tanə kɨraru uə yəkwi-nətuən kɨraru kɨni mwhopni, rəri-pən əmə loa yame Kughen Yermaru rɨmɨni. Kɨni kɨmɨravəhsi-pən kwajikovə a kɨmi Kughen Yermaru. Nar a raməri-pən Nəgkiarien kape Kughen yame ramni mɨmə, “Nɨmrɨn nupan mɨnə yerman, tukaməkeikei kɨvəhsi-pən əriə kɨmi Kughen Yermaru mə kafan mɨnə.” (Eks 13:2, 12) Viz kapitola |