Genesis 43:15 - Northern Tepehuan Bible15-16 Daidi maamaradï go Jakobo bhïkai óídaradï Jose ïmadï go tuminxi ix makïdï gïn aa noraidi ïgai tukamïrï dai ïpïpï po kaki tuminxi ixtukïdï sabïda agai tïrhigi. Dai baidaja ïgai go Benjamin dai bhodïrï iji Ejiptuamu. Dai baapa ïgai buidïrï go Jose sai tïï Jose sai ïmadï dibia go Benjamin. Dai Jose aagidi pioñigadï ix makïdï tïanïi go gaa pipioñigadï, —Mïï gin kiiyamu baidaja idi kïkïirhi dai mua ïmo baakaxi dai iduñi kuadagai— itïtïdai. —Xibi daanduko gin ïmadï gaugimu gobai— itïtïdai. Viz kapitola |