Malkos 15:42 - Kagi nemula (Word of God)42-43 Na, duen sa maama tegeAlimatiya, si Hosé. Kagdi ma sa sebaen kaunutan etaw Hudiyu, owoy eg-adatan ma etaw. Eg-angat-angatan di ma sa ketebow sa kedatù i Nemula diyà tanà. Na, sa agdaw egoh i Hésus nematay, iya ma sa agdaw egtapayen sa medoo Hudiyu sa langun egbaelan da enù ka simag sa agdaw keetud da. Na, egoh di mahapun dé, pinebagel i Hosé sa pedu di owoy mig-angay diyà si Pilatu anì egpegeniyen di sa lawa i Hésus anì ilebeng di. Viz kapitola |