Lukasa 2:22 - Ma Jou ai Demo-demo o Totobelohoka

^22-24 De ipahaino abe o Yesusu womaboaka ai wange moruata ibooto de o ngo Mariaoo naga manga pareta moioli kiani muna maniiki. Abe o Isiraele ma nyawa naga manga pareta o Musaino abe ma oraha o ngofeka momagerewoto de ma dekanino o wange moruata ibooto de ahao kiani momahuba la momahitunguu abe muna motebinokali. Ho adonoka ami wange moruata gea de muna de o Yusupu yoiki Ma Jou ai Tauika abe naga o Yerusaleeme ma kotaka. De kiani muna momahihuba o namodaara hinooto eko o kuumu-kuumu ma ngofaka hinooto. Ho ami huhuba gea yomahidiai de yoiki daku o Yerusaleemiye. De o Yesusoo iwiao la ka idadi iwihitunguu abe iwitingaka Ma Jouika. Angamoi naga ihitulihukuoka Ma Jou ai Pareta ma bukuoka abe nako o nyawa manga ngofaka o domoro o nauru de gea ai dimono kiani iwitingaka Ma Jouika.

Lukasa 2:22 Křížové odkazy