San Marcos 13:35 - New Testament in Mixe Isthmus35-36 Jaꞌa cudøjcä mioonsähajxy, cab hajxy hänajty ñajuøꞌøy mänaa jaꞌa wyiindsøṉhajxy hänajty miejtstägatsaꞌañ, pø coodsǿøñäp hänajty jaduhṉ, o pø tsuhm̱dä hänajty, o pø tuꞌtseey‑yaaxøꞌøgy hänajty, o pø jobǿøñäp hänajty. Nähix̱ hahixøꞌø jaꞌa wyiindsǿṉ hajxy jaduhṉ yhahíxät. Pø caj, coo hajxy jaduhṉ jaguiapxiä ñähmejtspedǿøjät, wehṉdä hajxy hänajty miaꞌay. Jaduhṉ mäwíinäts mijtspä, cab hajxy jaduhṉ mnajuøꞌøy mänáajøch yaa ngädaactägatsaꞌañ hädaa yaabä naax̱wiin. Paady hajxy nähix̱ hahixøꞌø homiänaajä mnäꞌägä hídät. Viz kapitola |