Apocalipsis 3:18 - Mam of Todos Santos -- Guatemala Unicode

¹⁸ Juꞌ tzunj, nuk nkbaꞌna cyey cylokꞌonxa oro weya, jun wik oro ma cyaj sak tuꞌn kꞌakꞌ, tuꞌntzen cyoca kꞌina. Bix cylokꞌonxa sak xbalen weya tuꞌn toc cyiꞌja, tuꞌntzen mintiiꞌ cychꞌixewa. Bix cylokꞌonxa remeda tiꞌ tbakꞌ cywitza weya, tuꞌntzen cycyeꞌyena.

Mam de Huehuetenango nueva ortografía

¹⁸ Kyja'tzun kxel nq'o'ne jun kyconseje: Kylaq'onxe q'an pwaq wuk'ile, saqsa'maj tu'n q'aq', tu'ntzun kyoke q'inun; ex kylaq'onxe saq xb'alun wuk'ile tu'n tok kyi'je tu'ntzun mi'n kych'ixwiye tu'nju minti' kyxb'alune tok; ex kylaq'onxe tq'anb'il kywitze wuk'ile tu'n tokx kyq'o'ne tuj kywitze tu'ntzun tb'anix kywitze.

Mam de Huehuetenango Bible

¹⁸ Cyja'tzun cxel nk'o'ne jun cyconseje: Cylak'onxe k'an pwak wuc'ile, saksa'maj tu'n k'ak', tu'ntzun cyoque k'inun; ex cylak'onxe sak xbalun wuc'ile tu'n toc cyi'je tu'ntzun mi'n cych'ixwiye tu'nju minti' cyxbalune toc; ex cylak'onxe tk'anbil cywitze wuc'ile tu'n tocx cyk'o'ne tuj cywitze tu'ntzun tbanix cywitze.

Biblia Mam de Quetzaltenango

¹⁸ Qu'mtzun kxe'l nq'o'n kynab'le' tu'n kylq'onteye' q'anpwaq ẍtilsa'n toj q'aq' weye', tu'ntzun kyq'inumaxe' axxi'x; ex tu'n kylq'onteye' saq xb'alun weye' te kutxb'ilkyeye' ex kylq'ome' q'a'nb'il kywitze' tu'n kyka'yine'.

Ak'aj tu'jil tyol qMan

¹⁸ Kxel nq'ma'n kye'y qa tkyaqiljo kyq'inimila lo twutz tx'otx' nti'x tajb'in. Tu'npetzi'n, ku kymeltz'aja wuk'iy, ex kxel nq'o'n kyq'inimila twutzxix toj kyanmi'n, a nimxix tajb'in tze'nku q'anpwaq, a tz'iltz'in wen tu'n q'aq'. Qu'n atzin kyq'inimila wenxix jun kyanmi'n tz'aqle tze'nku kyxb'ali'n sjanin, tu'n tok kyi'ja; ex tu'n tktxetjo kytx'ixewa ẍb'iq ta'; ex ikyxjo atzin kyq'inimila tze'nku jun ojtzqib'l te Dios tze'nku jun q'anb'il kywutza, tu'ntzin tb'ant tka'yi'n, ex tu'n tel kyniky' te wen.

Mam Central (Comitancillo)

¹⁸ Kxel nqꞌmaꞌn kyeꞌy qa tkyaqiljo kyqꞌinimila lo twutz txꞌotxꞌ ntiꞌx tajbꞌin. Tuꞌnpetziꞌn, ku kymeltzꞌaja wukꞌiy, ex kxel nqꞌoꞌn kyqꞌinimila twutzxix toj kyanmiꞌn, a nimxix tajbꞌin tzeꞌnku qꞌanpwaq, a tzꞌiltzꞌin wen tuꞌn qꞌaqꞌ. Quꞌn atzin kyqꞌinimila wenxix jun kyanmiꞌn tzꞌaqle tzeꞌnku kyxbꞌaliꞌn sjanin, tuꞌn tok kyiꞌja; ex tuꞌn tktxetjo kytxꞌixewa ẍbꞌiq taꞌ; ex ikyxjo atzin kyqꞌinimila tzeꞌnku jun ojtzqibꞌl te Dios tzeꞌnku jun qꞌanbꞌil kywutza, tuꞌntzin tbꞌant tkaꞌyiꞌn, ex tuꞌn tel kynikyꞌ te wen.

Apocalipsis 3:18 Křížové odkazy