Judas 1:4 - Ak'aj tu'jil tyol qMan

⁴ Qu'n ikytzi'n, ite' xjal n-ok kyq'o'n kyib' nyakuj nimilqe; cheb'e ma chi okx kyxola sb'ul kye'y. Ayetzin wiq xjal lu'n, o chi yolajtz toj Tu'jil Tyol Dios, qa te najinqe te jun majx. Aye xjal lu'n, mina nkub' nimin Dios kyu'n, ex nya wen kyb'inchb'in. Tzunxix nxi kyq'ma'n qa tu'n nimilqo, nti'l qil twutz Dios; noq tu'n t-xtalb'il, aku qo b'inchin tkyaqil noq tze'n qaj, chi chi'. Mina ntzaj tchewil tkawb'il qMan Dios kyi'j, ex n-el kyi'jlin Jesucrist, a o'kx qAjaw ex Klolqe te jun majx.

Mam de Huehuetenango nueva ortografía

⁴ Porke at junjun xjal sb'ul ma tz'okx kyq'on kyib' kyxol okslal; b'i'x kyaj b'ant ti'j ojtxi tu'n tkub' kysentens xjal lu, porke mya nimal Dios qe, in kyaj kykolin t-xtalb'il Qdios, ex in xi kyq'on kyib' tu'n kyb'inchante tkyaqilju kyajb'il, minti' kyjuk'b'il kyib' ex minti' kyaj ti'j tu'n kyten tjaq' tkawb'il Dios o'kxte Dios Tajaw Tkyaqil, ex minti' kyaj ti'j tu'n kyten tjaq' tkawb'il Qajaw Jesucrist.

Mam of Todos Santos -- Guatemala Unicode

⁴ Nxiꞌ nkbaꞌna juꞌwa cuma cyxola chebe chebe o chi ocx juun xjal n-ocx cytzꞌilsaꞌn tuꞌn ẍtakꞌ cyyol kxnakꞌtzbil o kiikꞌen tuꞌn Kaaw Jesús. Nchi yolenxin tisen ocslalkexin, pero yaaꞌn jax. Tzin cykbaꞌn baꞌn tuꞌn kbinchan cykil il cuma cwel tnajsaꞌnte Dios, tz̈i cybel. Bix tzin cykbaꞌn mintiiꞌ il tiꞌj tuꞌn toc kocslaꞌn tyol Jesucristo, bix yaaꞌn oꞌcx jaxin Kaaw. Pero mintzen tkbaꞌn kxnakꞌtzbil juꞌwa. Kej nxiꞌ cyiiꞌn jun cynaabl juꞌwa chi pon tuj castiwa, jaj castiwa o byan tuj tyol Dios kaape ootxa.

Mam de Huehuetenango Bible

⁴ Porque at junjun xjal sbul ma tz'ocx cyk'on cyib cyxol ocslal; bi'x cyaj bant ti'j ojtxi tu'n tcub cysentens xjal lu, porque mya nimal Dios ke, in cyaj cycolin t-xtalbil Kdios, ex in xi cyk'on cyib tu'n cybinchante tcyakilju cyajbil, minti' cyjuc'bil cyib ex minti' cyaj ti'j tu'n cyten tjak' tcawbil Dios o'cxte Dios Tajaw Tcyakil, ex minti' cyaj ti'j tu'n cyten tjak' tcawbil Kajaw Jesucrist.

Biblia Mam de Quetzaltenango

⁴ Qu'n ate' junjun sb'ulqe' matxi' che okx kyxole', q'ma'ntl kyoj Tu'jil ojtxi' tu'n kyxi' toj naje'n. Myab'a'n xjalqe', nkych'exb'e'n t-xtalb'il Dyos tu'n kyb'inchanteju' myab'a'n, min nche niman te Qman Dyos nim toklen ex te Qajaw Jesukrist.

Mam Central (Comitancillo)

⁴ Quꞌn ikytziꞌn, iteꞌ xjal n-ok kyqꞌoꞌn kyibꞌ nyakuj nimilqe; chebꞌe ma chi okx kyxola sbꞌul kyeꞌy. Ayetzin wiq xjal luꞌn, o chi yolajtz toj Tuꞌjil Tyol Dios, qa te najinqe te jun majx. Aye xjal luꞌn, mina nkubꞌ nimin Dios kyuꞌn, ex nya wen kybꞌinchbꞌin. Tzunxix nxi kyqꞌmaꞌn qa tuꞌn nimilqo, ntiꞌl qil twutz Dios; noq tuꞌn t-xtalbꞌil, aku qo bꞌinchin tkyaqil noq tzeꞌn qaj, chi chiꞌ. Mina ntzaj tchewil tkawbꞌil qMan Dios kyiꞌj, ex n-el kyiꞌjlin Jesucrist, a oꞌkx qAjaw ex Klolqe te jun majx.

Judas 1:4 Křížové odkazy