Números 4:14 - Mam de Huehuetenango Bible

¹⁴ Tibajtzun cbel cyk'o'n cycyakil ke macbil in che ajben tuj c'ulbil: Ke tcubl xk'a'l, ke cuchar, ke pala ex ke lak nmak, akeju in che ajben ti'j altar. Cbel cymaksi'n cyibaj cycyakil jlu cyu'n ke tz'u'm tbanilxix, ex c'oquex cyk'o'n ke tze' tjak' tu'ntzun t-xi cyikan.

Mam de Huehuetenango nueva ortografía

¹⁴ Tib'ajtzun kb'el kyq'o'n kykyaqil qe makb'il in che ajb'en tuj k'ulb'il: Qe tkub'l xq'a'l, qe cuchar, qe pala ex qe laq nmaq, aqeju in che ajb'en ti'j altar. Kb'el kymaqsi'n kyib'aj kykyaqil jlu kyu'n qe tz'u'm tb'anilxix, ex k'okex kyq'o'n qe tze' tjaq' tu'ntzun t-xi kyiqan.

Biblia Mam de Quetzaltenango

¹⁴ Kykyaqiltzunju' inche ajb'en te xjanb'il tib'aju' q'olb'eb'l kb'el kyq'o'n tib'aj: e'kyb'el ttxalq'aq', xokb'il, jotb'il, nimaqlaq; kykyaqilju' inche ajb'en teju' q'olb'eb'l. Kb'el kyktxu'n tkyaqil ja'lu tu'n jun kutxb'ilte tz'u'n ex tz'umin, ex che elex kyq'o'nju' tqul te iqb'ilte.

Números 4:14 Křížové odkazy