यर्मिया 37:21 - लिम्बु21 खे़ल्ले़चोगुल्ले़ सिदकियाह हाङ्ङिल्ले़ यर्मियान् लुम्बात् याक्फाङ्ङो नुःक्मादे़मा मे़बाङ्घुसिन्॥ परुमाल्ले़ खुने़ॽ माङ्हिम्मोबा इक्के़गोबाहाॽरे़ खुन्छिॽ लक्खुम्मो साक्मा युङ्मा इङ्जाङ् पिरुसि॥ यर्मियान् खे़प्मोए युङ्माआङ् ये़क्यक्को के़रे़क् खरे़ःङ्हाॽ मे़म्माःत्ते थारिक् खुने़ॽ थिक्याःन्धक् खारक् ले़ःङ्मनाबा खरे़ःङ् मे़बिरुर फाॽआङ्ङाङ् हाङ्ङिल्ले़ इङ्जाङ् पिरुसि॥ कम्भलॽरिक् हाङ्हिम् लक्खुम्मोबा पुङ्लाहिम्मो यर्मियान् मे़साक्तु मे़युक्खुरो॥ Viz kapitola |