यसैया 18:2 - लिम्बु2 खे़प्मोबा मनाहाॽरे़ मिक्लाःल्ले़ चोःक्मनाबा के़जाप्पा खःङ्बेहाॽओ हाङ्लाइङ्बाहाॽ मे़बाङ्घुसिरो॥ के़जाप्पा इङ्घङ्साबासे, केःम्बा नु वरे़ङ्ले़ङ्बा होरिक् के़बप्पा मे़न्छाम् सुवाङ्हाॽओ पेगे़म्मे़ॽओ, खे़ङ्हाॽ निःत्ताङ्बा नु माःङ्घाबा मनाहाॽरे़ मे़गिरुसिरो, खे़ङ्हाॽ के़धुम्बा नु मुक्के़गुबा मे़जोक्लो, हे़क्क्याङ् खे़ङ्हाॽरे़ खुन्छिॽ लाजेन् वहःङ्हाॽरे़ कुलक् कुलक्को से़न्दुआङ् ने़रो॥ Viz kapitola |