इजकिएल 1:4 - लिम्बु4 आङ्गाॽ थाःङ् ओमे़त्तुङ्ङिल्ले़ थाङ्गे़त् थोलाम्बा खइक् खइक् के़इक्सिङ्बा सुरित् केजङ् हुःक्ते़ ये़र पत्छे़बा, माक्स्दिःङ्ग्याःप्पा खाॽम्मिःप्पा लुम्मो से़न्दाङ्गे़न् ओःत्ति साःम्भे ले़क्ते़र पत्छे़बा निसुङ्॥ खे़प्मो खाॽमिःत्तिल्ले़ कुलुम्मो मि यागे़, हे़क्क्याङ् मिःल्ले़ कुलुम्मो कासान् योःन्दे़बा कुइसिक् तिल्ले़क् तिल्ले़क् ले़क्ते़र पत्छे़॥ Viz kapitola |