२ हाङ् 22:14 - लिम्बु14 कल्ले़चोगुल्ले़ निङ्वाॽफुसाम्बा हिल्कियाह, अहिकाम, अक्बोर, सापान नु असायाहन् हुल्दा मिङ् के़वाःप्मा मे़न्छुमाधिक्को पाःन्सेःन्दोसे़ मे़बे॥ खे़न् मे़न्छुमान् यरुसले़ःम्मिल्ले़ कुसङ् कुलक्को के़युङ्मा माङ्निङ्वाॽपान् के़बाःप्मा वये़॥ (तिक्भाःल्ले़ कुस्सा नु हरहसरे़ कुम्मे़न्छाॽ सल्लुमे़न् हुल्दाःल्ले़ कुये़म्बा वये़ हे़क्क्याङ् सल्लुमरे़ माङ्हिम्मोबा तेत्चाङ्हाॽ ओमे़प्मा चोःक्मा याःम्बक् चोगु॥) खे़ङ्हाॽरे़ के़रे़क् पाःन्हाॽ हुल्दाःन् मे़जे़क्तु॥ Viz kapitola |