२ साप्मुःन्धुम् 26:21 - लिम्बु21 उज्जियाह हाङ्ङिन् खुने़ॽ कुसिमा ये़न् थे़म्बाए लोगेॽ तुक्मे़ल्ले़ तरु॥ खुने़ॽ लाःत्लाःत् हिम्मो लोगेॽ पारामा तुक्मे़ल्ले़ के़दम्बा पोःक्खे़आङ् युङ्मा हेःक्ते़॥ यहवे दाङ्बे़ल्ले़ कुहिम्मो खुने़ॽ लाःप्मा मे़घोसे़न्॥ हाङ्जुम्मोबा के़रे़क् याःम्बक्हाॽलाम् खुने़ॽ मे़से़न्दु॥ हे़क्क्याङ् खुने़ॽ कुस्सा योतामे़ल्ले़ हाङ्हिम्मिन् ओमे़प्मा याःम्बक् चोगुआङ् लाजेॽओ हाङ्युक् चोःक्मा हेःक्तु॥ Viz kapitola |