Obaja 1:16 - Allah Upu: Allahdi Pumun Taru pe Ukupu Taru pe Pediramseu Upu

¹⁶ Uda, ukutaruda, sun Yehuda tara neng tep pepsene. Ange peda, tali tep men pepne. Deiyoda ake. Ne Allahda, ne pio telep lengna mutu deiki, ada ne si eremna ati kure mutu, Sion mutu dupai, ne nyapu sisa, sun Israel yala nesala dopra deipsisipa kurume. Amutu dupai kumumdi, sun mali kuramrum keca yuma tep, sun wenemna tep keca konum karepsisi. Ukupmantoda, peten kemna tep, pio yu meda, karepsipa, sundi konum jeproprume. Dinino, ange utopu, ware mutu nesala do yuma, tuai mutu ban-ban yuma kunge nesaladi, sun peda ila kange mun keca wenepra karepkamne. Ukupmantoda, sun mali kunge keca tep, peten kemna tep yu meda, karepnepa, sundi ame jenkamenge. Ajenkameng meda, pio yu weiknge kurure. Atep, awenemna keca kure ngeda, pio men gopra benmanto kurure. Atep sun anesala yumada, pio ame jeramenganen, adipapu gawal dangnapu kunkamenge. Angepu kuramenganen, ‘Aceida ake’ tenen, katuai peten kemna peda, gum dipapu gum kupra deipkamne. Ukupra deipnedi, anesala yumada, pio gawal dakeipkamne. Anesala sun mutu-mutu yumada, nimi pio men kunungai utopu, pio walang yopu kuprepa, dimbulung pepkamre ja!

Obaja 1:16 Křížové odkazy