Ester 7:8 - Allah Upu: Allahdi Pumun Taru pe Ukupu Taru pe Pediramseu Upu

⁸ Ataru Hamanda, “Uo, ne kaner Ratu Ester melipneo,” pepra Ester er bukmauai, er nong doprapudi maipudi moropu. Ada, ‘Erdi bicau tenepnetue’ tenen, moropu. Moropu dinino, ataru dipapu, nimi deiyo ngebo Raja Ahasyeweros, ati dam tara benmauanen, tamupra Hamandi Ester bukmaua damai maipmaunge yana epu. Epu dingeda, nimi deiyo ngebo Raja ila upu di pepu, ‘Uo, kanda ware kunmarem do? Hamanda warya tep balila deipra, ne ati pumbonpu ne ner Ester talerpetepmar do? Ne akunmana peda, amali ngebodi ne ner Ester tep moum talepetepkur do?’ tenepudi yu pio weik kupu. Ila nimi deiyo ngebo Raja Ahasyewerosdi, aupu konum pepra gawal dakseng pedongou taruda, adipapu, er pel melimna nengdi Haman taleprapidi, opkal bol dopra, aopkal di er giso yuma getepdongopi. Ada, ‘Pio mali kunmara cadi, nun nai bo Raja er urasin ton cap men eptu’ tenen, kupi.

Ester 7:8 Křížové odkazy